Ymateb i ymgynghoriad: Llwybr Newydd – strategaeth trafnidiaeth newydd i Gymru
Ymatebodd Engage to Change i ymgynghoriad Llywodraeth Cymru ar gynllunio trafnidiaeth yng Nghymru. Mae’r ymgynghoriad yn nodi cynlluniau trafnidiaeth Llywodraeth Cymru am yr 20 mlynedd nesaf. Y pwyntiau allweddol yn ein hymateb ydy:
- Credwn bod hon yn gyffredinol yn ddogfen bolisi addawol gyda’r potensial o gael effaith cadarnhaol ar fywydau pobl gydag anableddau dysgu ac/neu awtistiaeth yng Nghymru.
- Fe fyddai’n dda nodi’n glir y dylai nodau hir dymor y system drafnidiaeth sicrhau ei fod yn hygyrch i bobl a hefyd galluogi cyfranogiad hygyrch ym mhob cylch o fywyd yn cynnwys cyflogaeth, gweithgareddau hamdden ac ymgysylltiad dinesig.
- Ffordd arall o sicrhau bod y system drafnidiaeth yn gynhwysol i bobl anabl ydy sicrhau bod pobl anabl yn cael eu cynnwys ar bob lefel o waith o fewn Llywodraeth Cymru a systemau trafnidiaeth. Argymhellwn weithrediad cyflogaeth gyda chefnogaeth.
- Er mwyn sicrhau bod systemau trafnidiaeth yn wirioneddol hygyrch i bobl gydag anabledd dysgu ac/neu awtistiaeth argymhellwn bod Llywodraeth Cymru yn cynnig hyfforddiant teithio i’r rhai sydd ei angen.
- Tra ein bod yn cytuno bod pryderon amgylcheddol yn hanfodol bwysig, credwn y gallai Llywodraeth Cymru wneud rhagor i sicrhau nad ydy pobl anabl dan anfantais anghymesur drwy polisïau amgylcheddol.
- Mae’n siomedig na chafodd yr ymgynghoriad hwn ei hun ei gynnal mewn fformat mwy hygyrch.
Gallwch ddarllen yr ymateb llawn i’r ymgynghoriad yma: : NewTransportWales Response – (yn agor fel PDF). Mae fersiwn Gymraeg o’r ddogfen ar gael dim ond gofyn am hynny.
Am ragor o wybodaeth neu fformatau amgen cysylltwch os gwelwch yn dda gyda Grace ar